Сайнбуянгийн Амарсайхан нь 1973 онд Нийслэлийн Налайх дүүрэгт төрсөн. Эцэг, эхээс есүүлээ, айлын доороосоо хоёр дахь хүүхэд. Бага насаа Налайх дүүрэгт өнгөрүүлсэн.
1981-1991 онд Налайх дүүрэгт бага, дунд сургуулиа дүүргэж улмаар АНУ-ын Калифорни Мужийн Пресно хотын институтийг 1996 онд, Соут Вест Их сургуулийг 2000 онд тус тус төгссөн. Хууль, эрх зүйн Магистр зэрэгтэй. Англи, Хятад, Орос хэлтэй.
- 1992-1994 онд Монгол улсын Шинжлэх Ухаан, Мэдээлэл Технологийн Төвийн ажилтан,
- 2000-2004 онд Монгол Улсаас БНХАУ-д суугаа Элчин Сайдын Яамны Консулын ажилтан, Атташе,
- 2005-2007 онд АНУ-ын Американ Трейд&Девелопмент компанид хөрөнгө оруулалт, гадаад худалдааны менежер,
- 2007-2016 онд Оюуны Ундраа Группийн Ерөнхийлөгч, ТУЗ-ын дарга, 2016-2017 онд НИТХ-ын Төсөв, Санхүү, Эдийн засгийн хорооны дарга,
- 2017 оноос НИТХ-ын дарга, Нийслэлийн гэмт хэргээс урьдчилан сэргийлэх ажлыг зохицуулах зөвлөлийн дарга,
- 2019 оноос Нийслэлийн Засаг дарга бөгөөд Улаанбаатар хотын Захирагчаар ажиллаж байна.
- 2020 оноос УИХ-ын гишүүн, УИХ дахь МАН-ын бүлгийн дэд дарга.
Улс төрийн Сонгуульт ажил:
- 2012 оноос НИТХ-ын Төлөөлөгчөөр хоёр дахь удаагаа сонгогдон ажиллаж байгаа. МАН-ын Удирдах зөвлөл, бага хурлын гишүүн, Нийслэлийн МАН-ын хорооны тэргүүлэгч, Налайх дүүргийн МАН-ын хорооны дарга.
Эдийн засаг, бизнесийн салбарын туршлага:
Монголын Эдийн Засгийн Форум, Хувийн Хэвшлийг Дэмжих Үндэсний Зөвлөл, Үндэсний Стратегийн Хүрээлэнг санаачлан үүсгэн байгуулагч гишүүн, ТУЗ-ын гишүүн. 2007-2011 онд Монголын гүйцэтгэх захирлуудын (CEO) Клубийн Дэд Ерөнхийлөгч, Ерөнхийлөгч, 2016 оноос Азийн Хүлэг Бодлогын Судалгааны Хүрээлэнгийн Дэд Ерөнхийлөгч зэрэг эдийн засаг, бизнесийн салбарын сонгуульт ажлыг хашиж ирсэн.
Судалдаг сэдэв:
Евразийн эдийн засаг, нийгмийн өөрчлөлтийн үйл явц, тэдгээрийн Монгол улсад үзүүлэх нөлөөлөл, Хот байгуулалт, хөгжлийн институцийн талаар судалдаг.
